काठमाडौं । परिवारको लालनपालन र खुशीको लागि विदेशीनु नेपालीको बाध्यता हो । लाखौं युवाहरु यहि बाध्यतामा संसारभर रुमल्लिरहेका छन् । देशमा पसिना बगाएर केही पैसा जम्मा गर्ने र घर परिवारको गर्जो टार्ने अधिकांश नेपाली युवाहरुको चाहना हुन्छ । यही चाहनालाई पुरा गर्न नेपालीको रगत, पसिना र सिप संसारभर बगिरहेको छ । सयौं हण्डर र ठक्कर खाएर नेपालीले विदेशमा पसिना बगाइरहेका छन् ।
तर, सबैको लागि विदेश सोचेजस्तो हुँदैन । वर्षौं काम गरेपनि कयौं नेपाली रित्तो झोला घर फर्कन बाध्य छन् । तिनै नेपालीको कथालाई भिडियोमा उतार्दै जनवादी गायक हेमराज आश्रमले ल्याएकाछन् ‘दुःख ।’हेमराज आश्रम र सजना भट्टराईको स्वरमा सजिएका गीतको शब्द, सङगीत र एरेन्ज तथा निर्देशन आश्रमकै रहेको छ । भिडियोमा आश्रमसहित शान्ती परियार र मिन रानाको अभिनय रहेको छ ।
क्यामेरामा मधुर वस्नेत, शोभा श्रेष्ठको मेकअप, ड्रोनमा सन्तोष र सम्पादन नविन निरौलाले गरेकाछन् । गीतको भिडियोले स–सानो चलचित्रकै कथा देखाएको छ । गीतले विदेश नजान र स्वदेशमै केही गर्न युवाहरुलाई सन्देश पनि दिएको छ ।