सुर्खेत।नेपाली महिलाहरूको महान पर्व हरितालिका तीज नजिकिएसँगै बजारमा नयाँनयाँ तीजका गीत सार्वजनिक हुन थालेका छन् । यसै क्रममा ‘मज्जाले नाचिन्छ’ बोलको म्युजिक भिडियो सार्वजनिक भएको छ ।
साहित्य सिर्जनामा रुचि राख्ने सिद्धपाईला स्कुल सुर्खेतका प्रिन्सिपल नैनसिंह खत्रीको लय शब्दमा टिका पुनको स्वर रहेकाे छ ।
खत्रीले बजारमा ल्याएकाे म्युजिक भिडियोमा संगीत संयाेजन तथा निर्देशन असोक बस्नेतले गरेकाछन्। यस्तै अशोक हेमन्त कंडेलको छायांकन, मान बहादुर ओलीको सम्पादन रहेको म्युजिक भिडियो क्रियटिभ मिडिया एण्ड रिसर्च सेन्टरले उत्पादन गरेको हाे ।
म्युजिक भिडियोमा सिद्धपाईला स्कुलकै शिक्षिका मीना रानाफिचर्ड छिन भने कोरसका रुपमा विद्यालयकै विद्यार्थीहरुको नृत्य रहेको छ ।
म्युजिक भिडियो नैन सिंह खत्री युवटुव च्यानलबाट सार्वजनिक गरिएकाे छ ।