कर्णालीका अंधिकास कोरोना संक्रमित होम आइसोलेसनमा

सुर्खेत । कर्णालीका बिभिन्न जिल्लामा कोरोनाका संक्रिय संक्रमितहरु अंधिकास होम आइसोलेसनमा बसेका छन् । कोरोनाका लक्षण नदेखिएका र सामान्य लक्षण भएका होम आइसोलेसनमा बसेका हुन् ।
कर्णालीमा ५५९ जना कोरोना संक्रिय संक्रमितमध्ये अंधिकास होम आइसोलेसनमा बसेका कर्णाली प्रदेश सामाजिक विकास मन्त्रालयले जनाएको छ ।
कर्णाली प्रदेशको सबैभन्दा बढी ३७१ जना कोरोना संक्रिय संक्रमित रहेको सुर्खेतमा वीरेन्द्रनगर नगरपालिका र भेरीगंगा नगरपालिकाको होम २६९ जना रहेका छन् ।
सल्यान जिल्लामा रहेका कोरोना संक्रिय १४ जनामध्ये सबै जना होमआइसोलेसनमा बसेका छन् । उनीहरुमध्ये शारदा नगरपालिकको होमआइसोलेसनमा ९ जना, बागाचौर होम आइसोलेसनमा १ जना, कुमाख गाउँपालिकाको होम आइसोलेसनमा १ जना र कालिमाटी नगरपालिकाको आइसोलेसनमा ३ जना बसेका छन् ।
रुकुमपश्चिममा कोरोना संक्रिय संक्रमित रहेका १८ जनामध्ये ८ जना होम आइसोलेसनमा बसेका छन् । त्यसमध्ये चौरजहारी नगरपालिकाको होम आइसोलेसनमा ३ जना, आठबिसकोट नगरपालिकाको होम आइसोलेसनमा २ जना, मुसीकोट नगरपालिकाको होम आइसोलेसनमा १ जना र सानीभेरी नगरपालिकाको होसआइसोलेसनमा १ जना रहेका छन् ।
त्यस्तै, जुम्लामा ४६ जना कोरोनाका संक्रिय बिरामी रहेको त्यसमध्ये ३३ जना होम आइसोलेसनमा बसेका छन् । जसमध्ये तातोपानी गाउँपालिकाको होम आइसोलेसनमा ५ जना, चन्दननाथ नगरपालिकाको होम आइसोलेसनमा २८ जना रहेका छन् ।
मुगुमा कोरोनाका ११ जना संक्रिय संक्रमित रहेकोमध्ये सबै जना होम आइसोलेसनमा बसेको कर्णाली प्रदेश सामाजिक विकास मन्त्रालयले जनाएको छ ।
शुक्रबार कर्णालीमा थप ३८ जना कोरोना संक्रमित थपिए
कर्णाली प्रदेशमा पछिल्लो २४ घण्टामा कोरोनाका थप ३८ जना थपिएका छन् । प्रदेश अस्पताल÷पशुपन्छी रोग अन्वेशषण प्रयोगशालामा गरिएको परीक्षणमा थप ३८ जनाको कोरोना संक्रमणको पुष्टि भए भएको हो ।
कर्णालीमा २४ घण्टाको बीचमा सुर्खेतका २४ जना, हुम्लाका ४ जना, जाजरकोट, दैलेख, सल्यानका १÷१ जना र रुकुमपश्चिमको २ जनामा कोरोना पुष्टि भएको कर्णाली प्रदेश सामाजिक विकास मन्त्रालय स्वास्थ्य सेवा महाशाखाका प्रमुख बृषबहादुर शाहीले बताउनुभयो ।
कर्णालीमा योसँगै कोरोना संक्रमित हुनेको संख्या ६३४६ पुगेको छ ।
५५ जना कोरोना संक्रमणबाट मुक्त भए
कर्णालीमा पछिल्लो २४ घण्टामा कोरोना संक्रमण निको भएर ५५ जना डिस्चार्ज भएको महाशाखा प्रमुख शाहीले बताउनुभयो । ‘सुर्खेतबाट ५२ जना, दैलेखबाट २ जना र कालिकोटबाट १ जना कोरोना संक्रमण निको भएर डिस्चार्ज भएका छन् ।’ उहाँले भन्नुभयो,‘योसँगै कर्णालीमा कोरोना संक्रमण निको हुनेको संख्या ५७०० पुगेको छ ।’