मुख्यमन्त्री महेन्द्रबहादुर शाही अल्पमतमा

सुर्खेत । नेकपा(एमाले)का तर्फबाट कर्णाली प्रदेश सरकारमा प्रतिनीधित्व गर्ने तिन जना मन्त्रीले सामुहिक राजीनामा दिएका छन् । नेकपा एमालेका तर्फबाट सरकारमा प्रतिनीधित्व गर्ने सामाजिक विकासमन्त्री दल रावल, उद्योग, पर्यटन, वन तथा वातावरणमन्त्री नन्दसिंह बुढा र आर्थिक मामिला तथा योजनामन्त्री प्रकाश ज्वालाले मुख्यमन्त्रीले सामुहिक राजीनामा दिएका हुन् ।
तिनै जना मन्त्रीहरुले मुख्यमन्त्री महेन्द्रबहादुर शाही समक्ष राजीनामा पत्र बुझाएका हुन् । सरकारमा सामेत तिनै जना मन्त्रीहरु राजीनामा दिएपछि कर्णाली प्रदेश सरकार अल्पमतमा परेको छ ।
चैत्र ४ गते नेकपा एमालेले माओवादी केन्द्रलाई दिएको समर्थन फिर्ता लिने निर्णय गरेको थियो । सरकार दिएको समर्थन फिर्ता लिने निर्णय गरेपछि एमाले नेपाल पक्षका नेताहरुले सरकारलाई दिएको समर्थन कायमै रहेको बताउँदै आएका थिए ।
सरकारमा सामेल तीन जना मन्त्रीले दिएको आर्थिक मामिला तथा योजनामन्त्री प्रकाश ज्वालाले बताए । ‘हामीले मुख्यमन्त्रीलाई राजीनामा पेश गरेका छौं ।’ उनले भने,‘संसदीय दलको निर्णय अनुसार नै राजीनामा दिएका हौं ।’
अदालतले माओवादी केन्द्र र एमाले व्यँताएपछि आफुहरु पूर्ववत पार्टीमा नै फर्किएको माओवादीलाई दिएको समर्थन फिर्ता लिएको ज्वालाले बताए । ‘हामीले सरकारलाई दिएको समर्थन फिर्ता लिएका छौं ।’ उनले भने,‘अब स्वतः माओवादी केन्द्रको सरकार अल्पमतमा परेका छ ।’
विभाजनपछि एमालेले यहीँ चैत्र ५ गते माओवादी केन्दलाई दिएको समर्थन फिर्ता लिने र सरकारमा सहभागी मन्त्रीलाई फिर्ता बोलाउने निर्णय गरेको थियोे । त्यही निर्णय अनुसार मन्त्रीहरुले राजीनामा दिएका हुन् ।
कर्णालीमा सरकार बनाउन २१ जना सांसद चाहिन्छ । नेकपा एमालेमा २० जना सांसद छन् । उसलाई सरकार बनाउन अर्को कुनै एक दलले समर्थन गर्नुपर्छ ।
माओवादी केन्द्रका १३ सांसदमध्ये दैलेखका धर्मराज रेग्मीलाई सांसद पदबाट हटाएको जानकारी प्रदेशसभालाई गराइसकेको छ । अब माओवादीका १२ सांसद छन् । नेपाली कांग्रेसका ६ र राप्रपाका एक सांसद छन् । एमालेले नयाँ सरकार बनाउने हो भने एक सांसद रहेको राप्रपाको समर्थन लिए पुग्छ ।