सुर्खेत । कर्णाली प्रदेशका मुख्यमन्त्री मुख्यमन्त्री महेन्द्रबहादुर शाही हुम्लाको एक गाउँमा शनिवार घोडाबाट लडेर घाइते भएका छन् । खोलामा घोडाबाट लडेर घाइतेभएपछि उनलाई हेलिकप्टरबाट हुम्ला सदरमुकाम लगिएकाे हाे ।
सदरमुकामबाट सिमकोट गाउँपालिका वडा तीनको तोर्पा, बरगाउँदै हुँदै लिमाटाङ्ग जाने क्रममा हुडि गाउँ र लिमाटाङ्ग गाउँको विचमा पर्ने खोलामा घोडाबाट लडेर सामान्य घाइते भएकाे मुख्यमन्त्रीका स्वकीय सचिव सुमन शाहीले जानकारी दिए ।
सदरमुकामबाट गाडीमा सवार भएका मुख्यमन्त्री शाहीलाई यहाँका स्थानीय लामा समुदायहरुले घोडामा चढ्न आग्रह गरेका थिए ।
‘मुख्यमन्त्रीज्यूलाई सामान्य चोटपटक लागेको तत्कालै हेलिकोप्टरबाट सुर्खेत स्थित प्रदेश अस्पताल ल्याई स्वास्थ्य परीक्षण पश्चात निवास फर्कनुभएको छ,’ स्वकीय सचिव शाहीले भने, ‘माननीय मुख्यमन्त्रीज्यूको स्वास्थ्य अवस्था सामान्य रहेको र चिकित्सकको सल्लाहअनुसार निवासमा आराम गरिराख्नु भएकाे छ । माननीय मुख्यमन्त्रीज्यूको स्वास्थ्य अवस्थाका वारेमा चासो, चिन्ता प्रकट गर्दै स्वास्थ्यलाभको कामना गर्नुहुने समस्त महानुभावलाई हार्दिक धन्यवाद ।’
शाहीसँगै कर्णाली प्रदेशका प्रतिपक्षदलका नेता जीवन बहादुर शाही, नेकपाका केन्द्रिय सदस्य विजय भण्डारी, कर्णाली प्रदेशका प्रवक्ता बिमला केसी लगायतका नेता तथा कार्यकर्ता थिए ।
