सुर्खेत।प्रगतिशील लेखक संघ नेपाल कर्णाली प्रदेशको आयोजनामा ‘तेस्रो प्रगतिशील कर्णाली साहित्यिक यात्रा’ कार्यक्रम वीरेन्द्रनगर सुर्खेत स्थित चित्रबहादुर केसी अध्ययन प्रतिष्ठानको सभा हलमा सम्पन्न भएको छ । प्रगतिशील लेखक संघ नेपाल कर्णाली प्रदेशका अध्यक्ष गिरीप्रसाद बुढाको अध्यक्षतामा लोकबार्ताका संयोजक डा.मधुसूदन गिरीको प्रमुख आतिथितामा सम्पन्न भएको हो ।
प्रगतिशील लेखक संघका केन्द्रीय सदस्य डा.दीपक गौतम, केन्द्रीय सदस्य जीवन शाही, राष्टिूय जनमोर्चाका बिष्णुप्रसाद शर्मा, स्वतन्त्र दलित विद्यार्थी संगठनका धनबहादुर नेपाली, साहित्यकारहरु बलभद्र भारती, सिद्धबहादुर खड्का, खगेन्द्र अधिकारी, थानेश्वर लामिछाने, युद्धविक्रम शाही, ऋषिप्रसाद धामी, पुर्णबहादुर शाही लगायत रहेका
थिए ।
उक्त कार्यक्रममा प्रगतिशील लेखक संघ नेपाल कर्णाली प्रदेशको प्रकाशन ‘रातो जून’, साहित्यकार रगवीर विश्वकर्माद्वारा लिखित गजल संग्रहहरु कोरोना भाईरस र एमसिसि अनुदान गरि तीन ओटा कृतिको एकमुष्ठ बिमोचन गरिएको थियो । विमोचित कृतिहरू रातो जून, एमसिसि अनुदान र कोरोना भाईरसको समीक्षा क्रमशः युद्धविक्रम शाही, बलभद्र भारती र खगेन्द्र अधिकारीले गरेका थिए । डा.दीपक गौतमले कार्यक्रमको समिक्षा गरेका थिए । कार्यक्रममा दर्जनभन्दा बढी स्रष्टाहरुले रचना वाचन गरेका थिए ।
प्रलेस नेपाल कर्णाली प्रदेशका सदस्य हस्तराज रेग्मीको स्वागत मन्तव्य रहेको यस कार्यक्रमको सञ्चालन सचिव हरिलाल महताराले गरेका थिए।
तेस्रो प्रगतिशील कर्णाली साहित्यिक यात्रा सम्पन्न, तीन कृति एकैसाथ बिमाेचन
