सल्यान । सात वर्ष कतार र साउदी बसेर फर्किएका प्रेम बहादुर रेउलेको हिजोआज कुखुरा रेखदेख र सुसारमा दैनिकी बित्छ। विदेशको कष्टकर जीवन त्यागेर व्यावसायिक कुखुरा पालन रोजेका उनको गाउँघरमा भविष्य देखिरहेका छन्।
सल्यान त्रिवेणी गाउँपालिका ४ फलावाङका प्रेम बहादुर रेउलेले झन्डै एक वर्ष अघि २ लाख लगानीमा ‘केशव पोल्टी फर्म’ सञ्चालनमा ल्याए। ‘परिश्रम गरे यही सफल हुन सकिन्छ भन्ने अठोटले व्यवसाय सुरु गरेको हुँ उनले भने।’ लोकल र ब्रोइलर जातका कुखुरा पालन गर्दै आएका रेउलेले विदेशको ४० डिग्रीमा काम गर्नु भन्दा गाउँघरमै थोरै लगानीमा व्यवसाय गर्नु उचित भएको बताए। उनले भने लोकल कुखुरा ढिलो हुर्कने भए पनि आम्दानी भने राम्रो रहेको छ। घरबाटै प्रतिकिलो ७ सयका दरले बिक्री हुँदै आइरहेको छ।
बजारको सुनिश्चित र उचित मूल्य भएमा व्यवसायमा लगानी बढाउने सोचमा रहेको उनको भनाइ छ। यस्तै, तीन वर्ष साउदी बसेर फर्किएका शारदा नगरपालिका ९ आराका मेहर सिंह बोहराले पनि कुखुरा पालनबाट मनग्य आम्दानी गर्दै आइरहेका छन्। बोहरा पोल्टी फर्म दर्ता गरी व्यावसायिक कुखुरा पालन गर्दै आइरहेका बोहराले वर्षमा ६ लट कुखुरा तयार हुने उनको भनाइ छ। उनले भने, ‘कतारमा गएको एक वर्षमा सोचे जस्तो काम र पारिश्रमिक नभएपछि गाउँमै केही व्यवसाय गर्छु भनी स्वदेश फर्किएको हुँ।’
कुखुरा पालनबाट राम्रै आम्दानी भइरहेको छ।’ ६ लाख लगानीबाट व्यवसाय सुरु गरेको बोहराले एक लटमा दुई लाखसम्म आम्दानी भएको बताए । यो वर्ष लकडाउनले बजारीकरणमा केही समस्या भए पनि व्यवसायबाट भने घाटा नलागेको उनको भनाई छ। १ हजार ५ सय ब्रोइलर कुखुरा अट्ने दुई वटा खोर रहेका छन्। कुखुराबाट भएको आम्दानीले एक गाडी किनेको समेत उनको भनाई छ। उनले भने ‘काम गर्ने इच्छाशक्ति भएपछि कुनै पनि व्यवसायमा लगानी गरे पनि घाटा हुँदैन, मैले कुखुराबाट भएको आम्दानीले एक गाडीसमेत किनिसकेको छु। ढुवानीमा समेत सहज भएको छ।’ नीय जातको कुखुराको मूल्य झन्डै दोब्बर छ । जिउँदो कुखुरा प्रतिकिलो रु ७ सयमा बिक्री हुने गरेको उनको भनाई छ ।
अन्य कुखुरा भन्दा लोकल कुखुरा विक्री वितरण गर्न समेत निकै सहज रहेको बोहराले बताए । जिल्लामा विदेशबाट फर्किएर कुखुरा पालन देखि अन्य पेसा व्यवसायमा लाग्नेको सङ्ख्यामा वृद्धि हुँदै आइरहेको पशु अस्पताल तथा पशु सेवा कार्यालय सल्यानले जनाएको छ।
