नेपाली कांग्रेसका नेता शाहीद्वारा नेपाली भूमी नमिचेको चीनलाई प्रमाण पेश गर्न माग

नेपाली कांग्रेसका नेता शाहीद्वारा नेपाली भूमी नमिचेको चीनलाई प्रमाण पेश गर्न माग
सुर्खेत । नेपाली कांग्रेसका नेता, पूर्वमन्त्री तथा कर्णाली प्रदेशसभाका प्रतिपक्ष दलका नेता जीवनबहादुर शाहीले चीन सरकारलाई नेपाली भूमि नमिचेको प्रमाण पेस गर्न चुनौती दिएका छन् । शाहीले एक प्रेस विज्ञप्ती जारी गर्दै चीन सरकारलाई नेपाली भूमी नमिचेको प्रमाण पेश गर्न माग गरेका हुन् ।
चीन सरकारको मुखपत्र ग्लोबल टाइम्सले हुम्लामा चीनले सीमा मिचेको भनेर ‘गलत हल्ला’ फैलाउन केही नेता तथा पत्रकारहरु लागेको भनेर समचार छापिएपछि शाहीले विज्ञप्ती जारी गरेर त्यसको खण्डन गरेका हुन् । ‘नेपाली भूमी मिचिएको वास्तविक तथ्यलाहरुलाई नजरअन्दाज गर्दै चीन सरकारबाट नयाँ निर्माण गरिएको संरचना क्षेत्र लालोङ्गजोमलाई मात्र केन्द्र राखी चीन सरकारबाट आफ्नो मुखपत्रमार्फत स्वाभिमानी नेपाली आवाजहरुलाई बन्द गर्ने नियतले धम्किपूर्ण भाषामा नित्कृष्ट लाञ्छना र मिथ्या आरोप लगाइएको प्रति निन्द ब्यक्त गर्दछु ।’ उनले विज्ञप्तिमा भनेका छन्,‘चीनले नेपाली भूमी नमिचेको प्रमाणित गरेमा जस्तोसुकै सजाय भोग्न समेत तयार रहेको जानकारी गराउँदै आफ्नो भूमी रक्षाका लागि नेपाल सरकार र सरोकार निकायलाई निरन्तर दवाब सिर्जन ागर्न र यस्ता मिथ्या एंव काल्पनिक समचारबाट भ्रममा नपर्न आम नेपाली समुदायलाई अपिल गर्दछु ।’