जुम्ला । हिमा गाउँपालिका वडा नम्बर १ का वडाध्यक्ष विरबहादुर शाहीको निधन भएको छ । दुई साता अघि गत कार्तिक १६ गते घरमै वेहोश भई गम्भिर उच्च रक्तचाप सहित मस्तिक्स पक्षघातबाट विरामी हुनु भएका शाहीको शनिवार राति निधन भएको परिवारले जनाएको छ ।
कार्तिक १६ गते एक्कासी वेहोश भएका शाहीलाई १७ गते कर्णाली स्वास्थ्य विज्ञान प्रतिष्ठान शिक्षण अस्पतालमा ल्याई आईसियूमा उपचार गरिएको थियो ।
चिकित्सकका अनुसार टाउकोको रक्तनलीे फुटेर लामो समय होशमा नआएपछि परिवारको सल्लाहमा कात्र्तिक २२ गते घरमा लिईएको थियो । घरमा पनि होशमा नआएरै शनिवार राति १२ः४५ मा निधन भएको उनका भाई लंकबहादुर शाहीले जानकारी दिए । उनको उमेर भने ७४ बर्षको भएको छ ।
को हुन वडाध्यक्ष शाही ?
पञ्चायतकाल देखी राजनितिमा होमिएका वडाध्यक्ष शाही विद्यार्थी आन्दोलन हुुदै नेतृत्वमा स्थापित भएका थिए । त्यसवेला उपप्रधान समेत लडेका शाही २०५८ सालमा माओवादी जनयूद्धमा लागेर यूद्धकालिन राजनितिगरेका थिए । तत्कालिन माओवादीको गाजस प्रमुख, माओवादी केन्द्रको जिल्ला कमिटि सदस्य, हुदै २०७४ को स्थानीय तहको निर्वाचनमा माओवादी केन्द्रको तर्फवाट वडा नम्बर १ का वडाध्यक्ष निर्वाचित भएका थिए ।
उहाँ अहिले नेकपा कर्णाली प्रदेश ज्येष्ठ कम्यूनिष्ट मञ्च प्रदेश सदस्य समेत हुनुहुन्थ्यो । वडाध्यक्ष शाहीका दुई छोरा र ३ छोरी छन् । जेठा छोरा रमेश शाही अनेरास्ववियू केन्द्रीय सदस्यहुन ।
यूद्धकालिन मोर्चामा शैपाल नामले चिनने सालिन र भद्र व्यवहारका वडाध्यक्ष शाहीको निधनले तिहारको मुखमा गाउँपालिका शोकमन्न भएको छ ।