सुर्खेत । रुकुमपश्चिमको आठबीसकोट नगरपालिका–७ को पोखरामा जन्ती बोकेको जिप दुर्घटना हुँदा चार जनाको मृत्यु भएको छ । शुुक्रबार राती ८ बजे आठबीसकोट घारीखोलाबाट जन्ती लिएर आठबीसकोट– ८ दाँजेतर्फ जाँदै गरेको रा १ ज ५८९ नम्बरको जिप दुर्घटना भएकोख हो ।
दुर्घटनामा परि चारै जनाको घटनास्थलमै मृत्यु भएको जिल्ला प्रहरी कार्यालय रुकुमपश्चिमले जनाएको छ ।
दुर्घटनामा आठबीसकोट–८ का अन्दाजी ५१ वर्षीय गोरे नेपाली, ६६ वर्षीय सार्के नेपाली, ४८ वर्षीय आइते चदारा र सोही नगरपालिका–७ का ५१ वर्षीय कलिभान नेपालीको मृत्यु भएको जिल्ला प्रहरी कार्यालय रुकुमपश्चिममा प्रमुख डीएसपी ठगबहादुर केसीले जानकारी दिए ।
दुर्घटनामा ६० वर्षीय लालबहादुर नेपाली सख्त घाइते भएका छन् ।
यात्रु ओराल्ने क्रममा जीप पछाडी सरेर दुर्घटना भएको र चालक फरार रहेको जिल्ला प्रहरी कार्यालय रुकुमपश्चिमले जनाएको छ ।
रुकुमपश्चिममा जन्ती बोकेको जिप दुर्घटना हुँदा चार जनाको मृत्यु
