सुर्खेत। राष्ट्रिय जनमोर्चाका कर्णालीका प्रदेश अध्यक्ष भरतबहादुर शाहीले संघीयताको भार देशले थाम्न नसक्ने भन्दै संघीयता खारेज गर्नै पर्ने बताएका छन् ।
उनले आईतबार राजमो जिल्ला समिति दैलेखले सदरमुकाम दैलेख बजारमा गरेको विरोध सभालाई सम्बोधन गर्दै संघीयता खारेज गरी प्रजातान्त्रिक केन्द्रिकृत एकात्मक शासन प्रर्णाली लागु गर्नुपर्ने बताए ।
एकात्मक शासन प्रणली लागू गर्न अब ढिलो गर्नु हुन्न,’उनले भने ,‘संघीयताबाट आहात जनता संघीयताको खारेजीमा आन्दोलनमा होमिन उचित समय आईसकेको छ ।’
नेता शाहीले संघीयताको आन्दोलनमा उत्रिन जनतालाई आह्वान समेत गरे ।
शाहीले देशमा भईरहेको भ्रष्ट्रचारको अन्त्य नभए मुलुकमा ठूलो अराजक्ता उत्पन्न हुने खतरा बढेको धारणा राखे । ‘ अब भ्रष्ट्राचार अन्त्यका लागि जनता उठुनै पर्ने तर्क उनको थियो ।’
विकास गर्ने नाममा स्वाधिनता र सार्वभौमिक्ता नै गुम्ने गरी विदेशीहरुको सहयोग लिनु बिडम्बना हो । उनले भने,‘माथिल्लो कर्णाली जिएम.आर संगको राष्ट्रघाति सम्झौता खारेज गरीदेशकै लागानिमा निर्माण गर्न सरकारले तत्काल पहल गर्नुपर्छ।’
नेता शाही माथिल्लो कर्णाली बचाउ अभियानमा अध्यक्ष समेत हुन् । उनले माथिल्लो कर्णाली जलविद्युत परियोजना नेपालकै लगानीमा बन्नुपर्ने माग गर्दै आईरहेका छन् ।
राष्ट्रिय जनमोर्चा विगत देखिनै संघीयता विरोधी पार्टी हो । राजमो अहिले ‘ संघीयता खारेज गर,लिपुलेक लिम्पियाधुरा, कालापानी लगाएत भारतद्धारा अतिक्रमित भुमी फिर्ता गर, बढ्दो महँगी नियन्त्रण र भ्रष्ट्राचार अन्त्य गर, माथिल्लो कर्णाली जलविद्युत परियोजना नेपालकै लगानीमा निमार्ण गर्नुपर्छ’ लगाएका राष्ट्रिय एजेण्डा लियर ठाउँ–ठाउँमा विरोध सभा गरिरहेको छ ।
कोणसभालाई सम्बोधन गर्दै राष्टिूय जनमोर्चा दैलेख जिल्ला अध्यक्ष अम्बरबहादुर नेपालीले कोरोना पिसिआर र उपचार सरकारले निःशुल्क गर्न माग गर्दै कालापानी लिपुलेक लिम्पियाधुरालगायतको भूमि तत्काल फिर्ता गर्न सरकारले पहलकदमी चाल्न आग्रह गरे ।
कोणसभाको संचालन अखिल नेपाल जनजाति सम्मेलनका केन्द्रीय सदस्य कलम बरैले गरेका
थिए ।
संघीयताको भार देशले थाम्न सक्दैन खारेज गर्नै पर्छ : अध्यक्ष शाही
