सुर्खेत । सामाजिक विकास मन्त्रालयको अध्यावधिक विवरणअनुसार आरटी–पीसीआर विधिबाट कर्णालीका ९४ हजार तीन सय ८२ जनाको कोरोना परीक्षण गरिएको छ।
यीमध्य सबैभन्दा बढी प्रयोगशाला अन्तरगत प्रदेश अस्पताल/पशुपन्छी रोग अन्वेषण प्रयोगशाला सुर्खेतका ४९ हजार ४५ जना छन् । कर्णाली स्वास्थ्य विज्ञान प्रतिष्ठान जुम्लामा २७ हजार नौसय ५५, चौरजहारी प्रयोगशालमा १० हजार तीन सय ५०, दैलेख अस्पतालमा ६ हजार आठसय २५, कमलबजार नगरपालिका प्रयोगशाला विनायक अछाममा ८९ र भेरी अस्पताल बाँकेमा ५७ को कोरोना परीक्षण गरिएको छ ।
यस्तै, राप्ती स्वास्थ्य विज्ञान प्रतिष्ठान दाङमा २९, राष्ट्रिय जनस्वास्थ्य प्रयोगशाला टेकुमा १७ र नेपालगञ्ज मेडिकल कलेजमा दुई जनाको परीक्षण गरिएको छ । परीक्षण गरिएकामध्य सात हजार एक सय ११ जनामा कोरोना पुष्टि भएको सामाजिक विकास मन्त्रालयका स्वास्थ्य सेवा महाशाखाका स्वास्थ्य शिक्षा अधिकृत नवराज कँडेलले जानकारी दिए ।
उनकाअनुसार पछिल्लो २४ घण्टामा थप सात जनामा कोरोना पुष्टी भएको छ । पुष्टी हुनेमा सुर्खेतका तीन, रुकुमपश्चिमका दुई र दैलेख र जुम्लाका एक/एक जना छन् ।
जिल्लागत आधारमा हालसम्म कोरोना संक्रमण पुष्टी हुनेमा सुर्खेतका तीन हजार ६१, दैलेखका एक हजार ६४१, सल्यानका ६३५, जुम्लाका ३९७, कालिकोटका ३२१, जाजरकोटका १४१, हुम्लाका ५६, मुगुका ४१, अन्य प्रदेशका ५५० र भारतका पाँच जना छन् ।
संक्रमितमध्य हालसम्म ६ हजार ६५७ जनाले कोरोना संक्रमण जितेर डिस्चार्ज भएको कँडेलको भनाई छ । पछिल्लो २४ घण्टामा भने २५ जनाले कोरोना जितेर डिस्चार्ज भएका छन् ।
