नेपलगञ्ज । स्वास्थ्य सेवा सुधारका माग राखेर अनसन बस्दै आएका डाक्टर गोविन्द केसीलाई आज काठमाण्डौ लगिने भएकाेछ ।
जुम्लाबाट हिजो नेपालगञ्ज आइपुगेका डाक्टर केसीलाई आज काठमाण्डौ लैजान लागिएको हो । हिजो नेपालगञ्ज–काठमाण्डौ उडान नभएपछि उनलाई भेरी अस्पतालको आइसीयूमा राखिएको छ ।
उहाँलाई आज बिहान साढे ११ बजे बुद्ध एअरको उडानबाट काठमाण्डौ पठाउने तयारी भैरहेको बाँकेका प्रमुख जिल्ला अधिकारी रामबहादुर कुरुम्बाङले जानकारी दिए । डाक्टर केसीले काठमाण्डौमा पनि अनसन जारी राख्ने बताएकाछन् ।
सरकारले आफ्ना मागको विषयमा कुनै सम्बोधन नगरेको र पहिलेको अनसनमा अस्पतालमै तोडफोड गरेको आरोप लगाउँदै फेरि पनि यस्तो हिंसा हुन नदिन जुम्लाबाट काठमाण्डौको यात्रा सुरु गरेको विज्ञप्तीमार्फत बताएकाछन्।
