रूपन्देही। राष्ट्रिय जनमोर्चाका अध्यक्ष चित्रबहादुर केसीले संसद विघटनले देशमा अर्को संकट थपिएको बताउनुभएको छ । गणतन्त्र र धर्मनिरपेक्षता संकटमा परेको अवस्थामा प्रधानमन्त्री ओलीले संसद विघटन गरेपछि देशमा अर्को संकट आएको तर्क गरे। विघटित संसद पुर्नस्थापना गर्नुपर्ने र त्यसका लागि दबाव सिर्जना गर्नुपर्ने बताएकाछन् ।
राष्ट्रिय जनमोर्चाले संसद विघटन, संघीयता, भ्रष्टाचारका विरुद्ध र गणतन्त्र, राष्ट्रियता, धर्म निरपेक्षताको पक्षमा रुपन्देहीको सैनामैनामा आयोजित सभामा बोल्दै प्रधानमन्त्री ओलीले जनताप्रति विश्वास घात गरेको दावी गरे । ओली, प्रचण्डबीच शक्ति र पद बांडफांडमा आपसी सहमति नमिल्दा देशमा राजनीतिक संकट उत्पन्न भएको अध्यक्ष केसीको भनाइ छ । उहाँले सरकारको गलत नीतिका कारण देशमा भ्रष्टाचार र कुसाशन मौलाएको बताए ।
पूर्व उपप्रधानमन्त्रीसमेत रहेका चित्रबहादुर केसीले संघीयताले देशमा भ्रष्टाचार, अनियमितता, कुसाशन बढेको उल्लेख गर्दै संघीयता असफल भएको दावी गरे। उनले राजनीति सेवामुखि नभएर कमाइ खाने भाँडो भएकाले राजनेताहरुलाई जनताले घिणा गर्न थालेको बताउंदै राजनीतिक दलप्रति जनता रुष्ट भएको बताए । नेपालको भूगोल र जनसंख्यामाथि भारतीय हस्तक्षेप बढेकाले त्यसप्रति हुनुपर्नेमा जोड दिए । तराईका २० वटा जिल्ला पहाडबाट अलग गराउने दक्षिणको योजना अनुसार तराईका नेताहरुको सक्रियतामा तराईमा पर्ने आठवटा जिल्ला पहाडबाट अलग गराइनु नै भूगोल र जनतामाथिको हस्तक्षेप भएको अध्यक्ष केसीको भनाई छ ।
