वीरेन्द्रनगर । नेपाल कम्युनिष्ट पार्टी (नेकपा) का प्रचण्ड–नेपाल पक्षीय केन्द्रीय सदस्य रामकुमारी झाक्रीले नेपाल कांग्रेसका सभापती शेरबहादुर देउवा प्रतिपक्ष दलको नेता नभएर ओलीको सेक्रेटरी भएको आरोप लगाएकी छन् ।
नेपाल कम्युनिष्ट पार्टी (नेकपा) का प्रचण्ड–नेपाल पक्षले प्रधानमन्त्री ओलीले संसद विघटन गरेको बिरुद्ध आयोजित बिरोध प्रर्दशनमा सभापति देउवालाई ओलीको सेक्रेटरी भएको आरोप लगाएकी हुन् ।
प्रधानमन्त्री ओलीले संबैधानिक ‘कु’ गरेको अवस्थामा सरकारको बिरोध गर्नुको साटो प्रतिपक्ष दलका नेता शेरबहादुर देउवाले मौन समर्थन गरेको झाक्रीले बताइन् । ‘ओलीले संबैधानिक ‘कु’ बिरोध त गर्नु भयो ।’ उनले भनिन्,‘तर, उहाँले हुने नसक्ने निर्वाचन बिरोध गर्न सक्नु भएन् । संसद पुर्नस्थापनाको माग समेत गर्न सक्नुभएन् ।’
प्रधानमन्त्री ओलीले जनमतको अपमान गरेका कारणले अब सबै सडकमा ओर्लिएर प्रधानमन्त्री ओलीको तानाशाह बिरुद्ध लड्न आवश्यता भइसकेको झाक्रीले बताइन् । ‘जनताको मतको अपमान गर्दै प्रधानमन्त्री ओली तानाशाहको सपना देख्न थालेँ ।’ उनले भनिन्,‘तानाशाहरुलाई सडकबाटै फाल्नुपर्छ ।’
