सुर्खेत । कर्णालीका हिमाली जिल्ला जुम्ला, हुम्ला, मुगु र डोल्पामा बाक्लो हिमपात भएको छ । आइतबार राती भएको हिमपातका कारणले त्यहाँको जनजीवन प्रभावित बनेको छ ।
हिमपात सुरु भएसँगै चिसो अत्यधिक बढेको, उच्च हिमाली क्षेत्रमा एक फिट हिउँ परेको जल–मौसम कार्यालय कोहलपुरका प्रमुख विनोद पराजुलीले जानकारी दिए ।
हिमपातका कारणले ती जिल्लाको यातायात सेवासमेत अबरुद्ध भएको छ ।
हिमपातका कारण मुगुको ताल्चा विमानस्थल, डोल्पाको जुफाल विमानस्थल र जुम्लाको खलङ्गा विमानस्थलको हवाई सेवासमेत अबरुद्ध हुन पुगेको छ ।
आइतबारदेखि मौसममा खराबी आएका कारणले हवाई सेवा अबरुद्ध भएको सिमकोट नागरिक विमानस्थलका प्रमुख विष्णु अधिकारीले बताए ।
