सुर्खेत । कर्णाली प्रदेश सरकारका उद्योग, पर्यटन, वन तथा वातावरण मन्त्री नन्दसिंह बुढा ‘प्रचण्ड–मावध) पक्षधर (नेकपा)मा आबद्ध भएको आधिकारिक जानकारी दिएका छन् ।
उनले मंगलबार एक प्रेस विज्ञप्ति जारी गर्दै सो कुराको जानकारी गराएका हुन् ।
उनले भनेका छन– ‘‘एक जिम्मेवारी सदस्यका रुपमा कर्णाली प्रदेश सरकारलाई स्थीरता प्रदान गर्नु पनि त्यतिकै महत्वपुर्ण भूमिका रहेकाले महिले वर्तमान परिवेशमा ‘प्रचण्ड–नेपाल’ नेतृत्वमा रहेको गौरवशाली पार्टी (नेकपा) मै आबद्ध रहेको जानकारी गराउँदछु ।’’तर, मन्त्री बुढा आफ्नो पद जोगाउन कै लागि भएपनि ‘प्रचण्ड–नेपाल’ पक्षलाई साथ दिएको स्रोतको दावी छ ।
यो सँगै कर्णाली प्रदेश सरकार हलचल हुने सम्भावना टर्ने भएको छ । हुन त मन्त्री बुढा ओली समूहबाट मन्त्री पदमा बसेका हुन् ।
तर, पदको लोभ–लालचमा आफुलाई मन्त्री पद सम्म दिलाउने पक्षलाई छाडिदिए । कर्णाली सरकारमा ‘प्रचण्ड–माधव’ समूह बहुमतमा छ । केही दिन अघि मात्रै सामाजिक विकास मन्त्री दल रावलले पद जोगाउनका लागि ओली समूह त्यागिदिएका थिए । मन्त्री बुढा आफ्नो पक्षमा आए सँगै मुख्यमन्त्री महेन्द्रबहादुर शाही पुर्ण रुपमा सुरक्षित भएका छन्।
