सुर्खेत । सुर्खेत वीरेन्द्रनगर नगरपालिका–२ का महिलालाई बेमौसमी तरकारी खेती तालिमले जीवनस्तर बदलिएको छ । आइएलओ नेपालको सहकार्यमा युसेप नेपालद्वारा संचालिल ब्रिज परियोजनाअन्र्तगत ५२ दिनसम्म बेमौसमी तरकारी खेतीको तालिम दिएको त्यसले महिलाको जीवनस्तर बदलेको हो ।
निम्न आए भएका महिला, दलित, हलिया, मुक्त कमैया तथा विपन्न महिलालाई बेमोसमी तरकारी खेती सम्बन्धि तालिम दिइएको युसेप नेपालका परियोजना एडभाइजर सञ्जिव खड्काले जानकारी दिए । ‘सीप विकासका कार्यक्रम संचालन गरेका थियौं ।’ उनले भने,‘यसले कमजोर आर्थिक अवस्था महिलालाई रोजगारको अवसर प्रदान गर्नेछ ।’
बेमौसमी तरकारी खेती तालिममा सहभागीलाई सीप मात्र नसिकाएर उनीहरुको तालिम अवधीको पारिश्रमिक दिएको युसेपका सुर्खेत जिल्ला संयोजक खगेन्द्र भट्टराईले बताए । ‘तरकारी खेती गर्ने तालिम मात्र दिएका छैनौं ।’ उनले भने,‘यसको बजारीकरणका लागि सरोकारवाला निकायसँग समन्वय गराएका छौं ।’
विगतमा कमैया बस्दा ज्याला नपाउने अवस्था रहेको अहिले तालिमले आफुहरुले रोजगारमूलक बनाएको वीरेन्द्रनगर नगरपालिका–२ का शान्ति चौधरीले बताइन् । ‘कमैया बस्दा कसैले राम्रो ज्याला दिदैनथे ।’ उनले भनिन्,‘कमैया मुक्तिपछि देखेको सपनालाई साकार बनाउने तयारी रहेको छ ।’
आफु अपाङ्ता हुँदा केही गर्न सक्दैन लाग्ने गरेको तालिमले आफ्नो आत्मबल बलियो बनाएको रामकुमारी चौधरीले बताइन् ।
तालिम सिकेको सीपले आफुहरुले प्रयोगमा आएको यसको बजारीकरणका लागि पहल गर्न जरुरी रहेको वीरेन्द्रनगर नगरपालिका–२ का बाटुली सुनारले बताइन् ।
बेमौसमी तरकारी खेतीले जीवनस्तर बदल्यो
