काठमाडौं । नेपालमा दैनिकजसो बलात्कारका घटना हुँदै आएका छन् । कोरोना महामारीको समयमा पनि मुलुकका विभिन्न स्थानमा बलात्कार तथा हत्याका घटना श्रृखलावद्धरुपमा भइरहँदा आम मानिस त्रासमा बाँचिरहेका छन् । तर, देशका गृहमन्त्री अन्य देशको तुलनामा बलात्कारको घटनालाई लिएर नेपाल चिन्तित हुनुपर्ने अवस्थामा नभएको भन्दै गैरजिम्मेवारी अभिव्यक्ति दिँदै हिँडेका छन् ।
गएको हप्ता गृहमन्त्री रामबहादुर थापाले बलात्कार र हिंसाको सन्दर्भमा अन्य देशहरुको अवस्था गर्दा नेपाल धेरै चिन्तित हुनुपर्ने स्थितिमा नभएको र बलात्कारको घटनामा नेपाल ‘सायद टप १५ भित्र’ पर्ने हल्का टिप्पणी गरेका थिए ।
उनको यो अभिव्यक्तिको चौतर्फी विरोध भएको थियो । अभिनेत्री ऋचा शर्माले पनि गृहमन्त्री थापाको गैरजिम्मेवार अभिव्यक्तिको विरोध गरेकी थिइन् । उनले बलात्कारका घटनालाई लिएर हल्का टिप्पणी गर्ने वर्तमान गृहमन्त्री, अघिल्ला गृहमन्त्री र विभिन्न राजनीतिक व्यक्तिको भविष्यमा लेखाजोखा हुने बताएकी थिइन् ।
यसबीच, उनले देशमा बढिरहेको बलात्कारका घटनाप्रति चिन्ता व्यक्त गर्दै प्रधानमन्त्री केपी शर्मा ओलीलाई चिठ्ठी लेखेकी छन् । उनले हिजोआज आफू नारी भएकोमा लाज लाग्न थालेको चिठ्ठीमा उल्लेख गरेकी छन् ।
बिहीवार ऋचा शर्माले फेसबुकमा प्रधानमन्त्रीलाई सम्बोधन गर्दै लेखेको चिठ्ठी यस्तो छ :-
