सुर्खेत । वीरेन्द्रनगर नगरपालिका कार्यालयमा कार्यरत लेखापालमाथी जबरजस्ती करणीकाे आराेप लागेकाे छ । नगरपालिकाकाे लेखा शाखामा कार्यरत खेमराज शर्माले एक महिलालाइ जवरजस्ती करणी गरेको भन्दै प्रहरीमा उजुरी परेको छ।
उनीमाथि महिलाले जवरजस्ती करणी आरोपमा किटानी जाहेरी दर्ता गराएको जिल्ला प्रहरी कार्यालय सुर्खेतले जनाएको छ। गत असोज ६ गते बीरेन्द्ररनगर बसपार्कको एक होटलमा शर्माले करणी गरेको जाहेरीमा उल्लेख गरिएको छ।
शर्माले महिलालाइ होटलमा लगेर मादकपदार्थ सेवन गरेर करणी गरेको पिडित महिलाले दर्ता गरेको जाहेरीमा उल्लेख गरिएको छ। यता जिल्ला अदालत सुर्खेतले असोज ९ गते नै प्रहरीलाइ प्रकाउ गर्न आदेश समेत दिर्इसकेको छ। तर प्रहरीले भने शर्मालाइ अहिले सम्म पनि प्रकाउ गर्न सकेको छैन।
घटनापछि शर्मा फरार रहेको प्रहरीको भनाइ छ। सुर्खेतका प्रहरी प्रमुख राजेन्द्र भट्टले घटनाबारे अनुसन्धान भईरहेको भन्दै फरार शर्माको खोजीकार्य जारी रहेको बताए । उजुरीका आधारमा शर्माको खोजि भइरहेको भन्दै अनुसन्धान भईरहेकोले थप जानकारी दिन नसकिने उनकाे भनाइ छ ।