सुर्खेत ।दशैं, तिहार तथा छठ पर्व नजिकिएसँगै कर्णाली प्रदेशभर हुने विभिन्न आपराधिक क्रियाकलाप नियन्त्रणका लागि कर्णाली प्रदेश प्रहरी कार्यालय सुर्खेतले सक्रियता बढाएको छ । विशेष सुरक्षा योजना अन्तर्गत प्रदेशभर तीन हजार ७ सय ८९ जना प्रहरी परिचालन गरिएको कर्णाली प्रदेश प्रहरी कार्यालयका सह–प्रवक्ता प्रहरी उपरीक्षक माधवप्रसाद श्रेष्ठले जानकारी दिए । उनले चाडपर्वका बेला प्रदेशमा हुन सक्ने चोरी, डकैती, जुवातास, लुटपाट, कालोबजारी, सार्वजनिक यातायातका टिकटमा ठगी र सवारी कसुरलगायत अपराध नियन्त्रणका लागि आवश्यक जनशक्ति तैनाथ गरिएको बताए । यसका लागि विभिन्न स्थानमा चेकजाँचमा कडाइ गरिनुका साथै साइकल, मोटरसाइकलमा प्रहरीको गस्ती तथा सादा पोशाकमा प्रहरी परिचालन गरिएको प्रहरी उपरीक्षक श्रेष्ठले जनाए । कुनै पनि हिँसाजन्य गतिविधि घटेमा तुरुन्त रेस्पोन्स हुने गरी प्रहरी खटनपटन गरिने गरी व्यवस्था मिलाइएको छ,’ उनले भने, ‘आवश्यकता परेमा प्रदेश सशस्त्र प्रहरी गणसँगै जिल्लाका विभिन्न यूनिटबाट थप सुरक्षाकर्मी परिचालित गरिने छ ।’
‘कुनै पनि हिँसाजन्य गतिविधि घटेमा तुरुन्त रेस्पोन्स हुने गरी प्रहरी खटनपटन गरिने गरी व्यवस्था मिलाइएको छ,’ उनले भने, ‘आवश्यकता परेमा प्रदेश सशस्त्र प्रहरी गणसँगै जिल्लाका विभिन्न यूनिटबाट थप सुरक्षाकर्मी परिचालित गरिने छ ।’
उनले अवान्च्छित, अपराधिक गतिविधि नियन्त्रण तथा सडक सुशासन कायम गर्न कर्णाली प्रदेश प्रहरी कार्यालय चौविसै घण्टा तयार रहेको जिकिर गरे । उनका अनुसार सीमा नाकामा हुने चोरी निकासी, आवागमनमा हुने सास्ती, लागुऔषध तथा पटाकाजन्य पदार्थ ओसारपसार, जुवातास, बैंक तथा वित्तीय सङ्घ संस्थालगायत भीडभाड हुने क्षेत्रको सुरक्षाका लागि छट्टाछुट्टै टोली खटाई निगरानी बढाइएको छ । विभिन्न प्रदेशका सीमा नाकामा तालीम प्राप्त कुकुरसहित चेकजाँच थालिएको उनको भनाइ छ । यस्तै यात्रुको सहजीकरणका लागि प्रदेशका विभिन्न स्थानमा ट्राफिक प्रहरीसहितको यात्रु सहायता कक्ष पनि स्थापना गरिएको प्रहरी उपरीक्षक श्रेष्ठले जानकारी दिए ।
चाडपर्वका समयमा विभिन्न हिँसाजन्य क्रियाकलापका कुनै पनि घटना घटेमा नजिकैको प्रहरी बिटमा खबर गरिदिन हुनसमेत उनले सर्वसाधारणलाई आग्रह गरे । उनका अनुसार प्रहरी सडक सुशासन, सार्बजनिक यातायातका साधनहरुको सहज आवागमन र दुर्घटना न्युनिकरणका लागि सीसीटीभी, रडर गनलगायतका प्रविधिको समेत अधिकतम् उपयोग गरिएको छ । ‘खाद्यान्न लगायत अत्यावश्यक वस्तुहरुको मिसावट, कालोबजारी रोकथाम तथा सहज आपूर्ति व्यवस्थामा प्रहरीको सक्रियता उतिकै रहनेछ,’ उनले भने, ‘खासशरी बजार क्षेत्रमा हुने पकेटमारी,चोरी,लुटपाट,गुण्डागर्दी र ठगि नियन्त्रणसँगै सार्वजानिक सवारीमा यात्रा गर्दा यात्रुहरु ठगिन नदिने र सामान झोला छुटी हराउन गएमा खोजतलास गर्ने, गराउने व्यवस्था समेत मिलाएका छौं ।’
‘खाद्यान्न लगायत अत्यावश्यक वस्तुहरुको मिसावट, कालोबजारी रोकथाम तथा सहज आपूर्ति व्यवस्थामा प्रहरीको सक्रियता उतिकै रहनेछ,’ उनले भने, ‘खासशरी बजार क्षेत्रमा हुने पकेटमारी,चोरी,लुटपाट,गुण्डागर्दी र ठगि नियन्त्रणसँगै सार्वजानिक सवारीमा यात्रा गर्दा यात्रुहरु ठगिन नदिने र सामान झोला छुटी हराउन गएमा खोजतलास गर्ने, गराउने व्यवस्था समेत मिलाएका छौं ।’
उनले चाडपर्वको अबसरमा जुवातास,डाईस,(लङगुर गुर्जा) कौडा खेल्ने जस्ता प्रबृतिहरु पुर्णतया निषेध गर्दे चोरी तस्करी तथा लागु औषधको ओसार पसार नियनत्रण गरिने जनाए । उनका अनुसार कर्णालीका दश वटै जिल्लामा चाडपर्व अवधिभर अबान्छित, अपराधिक गतिविधि तथा सवारी दुर्घटना नियन्त्रण गर्न प्रदेश प्रहरी कार्यालय सहित मातहत जिल्लाहरुमा एक÷एक वटा कमाण्ड सेन्टरको समेत स्थापना गरिएको छ । ‘चाडपर्व अवधिभर राजमार्ग सुरक्षा एवं ग्रामिण क्षेत्रका लागि १९० स्थानमा मोबाईल गस्तीसँगै २८ स्थानमा नियमित चेक प्वाईन्ट तथा ३९ स्थानमा ट्राफिकसहित आकस्मिक चेक प्वाईन्ट बनाईएको छ,’ उनले भने, ‘प्रदेशका २४ स्थानमा यात्रु सहायता कक्ष, ७४ स्थानमा पिकेटसँगै ६७ स्थानमा झैझगडा, चोरी, लुटपाट, जुवातास, मापसे नियन्त्रण केन्द्र बनाईएका छन् ।’ उनका अनुसार २० स्थानमा धार्मिक तथा पर्यटकीय स्थल सुरक्षासँगै १७ वटा बजार अनुगमन टोली गठन गरिएको छ । उनले आवश्यकता अनुसार क्वारेन्टाईन र आईसोलेसन सुरक्षा ड्युटीसँगै ३१ स्थानमा बैंक एवं बित्तिय संस्था तथा आर्थिक कारोबार बढी हुने क्षेत्रमा सुरक्षाकर्मी परिचालन गरिएको जनाए ।
