सुर्खेत । नेपाली कांगे्रसका महामन्त्री खड्काले कोरोना महामारीले सिंगो देश आक्रान्त भएको बेला सरकार कुम्भकर्णको जस्तो निन्द्रामा रहेको आरोप लगाएका छन् । खड्काले कोरोना महामारी नियन्त्रण तथा राहत प्याकेजमा लाग्नु पर्नेमा अहिले सरकार कुम्मकर्ण निन्द्रामा रहेर आन्तरिक धन्दा चलाएको आरोप लगाएका हुन् ।
सरकार अहिले कोरोना महामारी जनतालाई राहत प्याकेज ल्याउनु पर्नेमा त्यसका नलागेको आरोप लगाउँदै खड्काले सामाजिक संजाल फेसबुकमा लेखेको छन् । ‘कोभिड संक्रमणको महामारीले सिंगो देश आक्रान्त छ । सरकार कुम्भकर्ण निन्द्रामा तर आन्तरिक धन्दामा ब्यस्त छ ! न जनताको चिन्ता छ, नत देशको नै ?’ उनले भने,‘सत्ताधारी पार्टी ७ महिनादेखि सत्ताको आन्तरिक छिनाझप्टि र लुछाचुडीमा ब्यस्त छ ।’
कोरोना महामारी विपत्तीका बेला जनतामा सरकार रहेको अनुभुती दिलाउन आवश्यक रहेको भन्दै ‘यो विपत्तिको कहरमा जनताका लागि खोई प्रधानमन्त्री ? खोई सरकार ? खोई राहत प्याकेज ? न जिम्मेवारी बोध छ ?’ प्रश्न गर्दै खड्काले भनेका छन्,–‘न जनतालाई कुनै भरोसाको सन्देश छ । यो अकर्मण्यता, यो मौनता दुर्भाग्यपूर्ण छ ।’
सरकार कुम्भकर्ण निन्द्रामा ! –कांग्रेस महामन्त्री खड्का
