सुर्खेत । नेपालगञ्जबाट सुर्खेततर्फ आउँदै गरेको बा २१ च २७४६ नम्बरको जीप दुर्घटनाहुँदा पूर्वमन्त्री विनोद शाहसहित पाँच जना घाइते भएका छन् । घाइते हुनेमा पुर्वसहायक जलश्रोत मन्त्री विनोदकुमार शाह, जिल्ला समन्वय समिति दैलेखकी उपप्रमुख लक्ष्मी शाह, पुर्व जिविस उपसभापति सुर्यबहादुर शाही, पदम माझी र सवारी चालक घाइते भएका हुन् ।
नेपालगञ्जदेखि सुर्खेत आउँदै गरेको बा २१ च २७४६ नम्बरको जीप गाडी रत्न राजमार्गको मौरे खोलामा दुर्घटना भएको हो । रत्न राजमार्गको चिसापानी–बबई खण्डको बाँसगढी नगरपालिका–१ मौरे खोलामा जीप खसेको जिल्ला ट्राफिक प्रहरी कार्यालय बर्दियाका ईन्चार्ज लोकन्द्र मल्लले जानकारी दिए ।
पुर्व सहायक जलश्रोत मन्त्री विनाद कुमार शाही र लक्ष्मी शाह दैलेख ठाटीकाँध गाउँपालिका १ स्थानीय बासिन्दा हुन । लक्ष्मी विनोद शाहकी धर्मपत्नी हुन् । पूर्व जलस्रोत सहायक मन्त्री र हाल ओली पक्ष नेकपाका केन्द्रीय नेता शाह पार्टीकै कामको शिलशिलामा आज काठमाण्डौबाट दैलेख फर्केदै गरेका थिए । ईन्चार्ज मल्लकाअनुसार घाइते हुनेमा शाहका श्रीमती जिल्ला समन्वय समित दैलेखका उपाध्यक्ष लक्ष्मीदेवि शाह, चामुण्डाबिन्द्रसैनी नगरपालिका–६ का सूर्यबहादुर शाही, आठविस नगरपालिका–४ का पदम माँझी र सवारी चालक घाइते भएका छन् ।
