सुर्खेत । सुर्खेतको वीरेन्द्रनगर बजारमा रहेका छाडा पशुचौपायालाई हुम्ला पठाइएको छ । वीरेन्द्रनगर नगरपालिकाको बजार क्षेत्रमा रहेका छाडा पशुचौपायालाई हुम्लाको खार्पुनाथ गाउँपालिकाको रहेका कृषि फार्ममा पठाइएको हो ।
वीरेन्द्रनगर बजार क्षेत्रमा रहेका करिब एक सयभन्दा बढी गाईहरु हुम्ला खार्पुनाथ गाउँपालिकामा पठाइएको वीरेन्द्र्रनगर नगरपालिकाका वावतावरण तथा अनुगमन उपशाखाका प्रमुख यामलाल गिरीले बताए । ‘हुम्लाको खार्पुनाथ गाउँपालिकामा रहेको एउटा फर्मले पशुपालन उपलब्ध गराइदिन माग गरेको हो ।’ उनले भने,‘वीरेन्द्रनगरका सडकमा झण्डै पाँच सय पशुचौपाय रहेको छन् ।’
छाडा पशुचौपायाको उचित व्यवस्थापन गर्न उच्च अदालत सुर्खेत रिट परेको थियो । अदालतले बुधबार वीरेन्द्रनगर नगरपालिकालाई छाडा अवस्थामा रहेका पशुचौपाया तत्काल व्यवस्थापन गर्न आदेश दिएको थियो ।
वीेरेन्द्रनगरको सडक, बजार तथा अन्य खुला क्षेत्रमा वेवारिसे अवस्थामा रहेका चौपायाहरुलाई हुम्ला खार्पुनाथ गाउँपालिकाका केही व्यक्तिहरुले आयआर्जनका लागि प्रयोग गर्ने भएका छन् । यसबाट निम्नस्तर तथा दलित परिवारलाई सहयोग पुग्ने भएको छ ।
खार्पुनाथ गाउँपालिका वडा नं. ५ का वडा अध्यक्ष भीमबहादुर शाहीले स्थानीय दलितहरुका लागि सिफारिश गरिएको स्वीकार गरेका छन् । खार्पुनाथ गापा वडा नं.५ का मोतीराम्या कामीले उक्त गाई हसम्ला ल्याउनका लागि सबै प्रक्रिया पुरा गरेर हिडाएका छन् । उनले नगपालिकालाई आफसले तीन महिनमा हसम्ला खार्पुनाथमा रहेको कृषि फार्ममा एक सय गाई पु¥याउने बताए ।
