सुर्खेत। कर्णाली प्रदेशमा सोमबार थप ५१ जना कोरोना संक्रमित थपिएका छन् । प्रदेश अस्पताल / पशुपंन्छी रोग अन्वेषण प्रयोगशाला सुर्खेत, दैलेख अस्पताल दैलेख र चौरजहारी पिसिआर मेसिन रुकुमपश्चिममा गरिएको परीक्षणमा थप ४८ जनामा कोरोना संक्रमण देखिएको हो ।
सुर्खेतका २६ जना, दैलेखका ७ जना, कालिकोटका १० जना, सल्यान, जुम्ला, हुम्ला, रुकुमपश्चिममा १÷१ र अन्य प्रदेशका १ जनामा कोरोना संक्रमण देखिएको कर्णाली प्रदेश सामाजिक विकास मन्त्रालयका स्वास्थ्य शिक्षा अधिकृत नवराज कंडेलले जानकारी दिए ।
योसँगै कर्णाली प्रदेशमा कोरोना संक्रमित हुनेको संख्या ३८८९ पुगेको छ ।
कर्णालीका बिभिन्न अस्पताल र आइसोलेसनबाट ३६ जना कोरोना संक्रमण निको भएर डिस्चार्ज भएको स्वास्थ्य शिक्षा अधिकृत कंडेलले जानकारी दिए ।
योसँगै कर्णालीमा कोरोना संक्रमणमुक्त हुनेको संख्या ३१४६ पुगेको छ ।
हाल कर्णालीका कोरोना संक्रिय संक्रमितको संख्या ७२५ जना रहेको कर्णाली प्रदेश सामाजिक विकास मन्त्रालयले जनाएको छ ।
कोरोनाका कारणले कर्णालीमा १० जना यस अघि नै ज्यान गएको कर्णाली प्रदेश सामाजिक विकास मन्त्रालयले जनाएको छ ।
सोमबार कर्णालीमा थप ४८ जना कोरोना संक्रमित
