सुर्खेत । बलात्कारीलाई कारबाहीको माग गर्दै वीरेन्द्नगरमा किशाेरीहरूले शान्तिपूर्ण र्याली निकालेका छन् । पछिल्लो समय बलात्कारका घटना बढ्दै गएपछि त्यसविरुद्ध उनीहरूले शनिबार र्याली निकालेका हुन्।
बलात्कारीले पाउने सजाय कम भएन र डियर सरकार ?, सरकार ! कुर्ची बचाउने लोभमा अपराधी बचाउने कहिलेसम्म ?, जब हामी अरुको लागि बोल्छौं तब हाम्रो लागि पनि कोही बोल्दिन्छ, आऊ मेरो परिपुरक हौँ। हातेमालो गरेर एक अर्काे युद्ध आरम्भ गरौं। बलात्कारविरुद्ध जस्ता प्लेकार्ड बोकेर शनिबार वीरेन्द्रनगरस्थित मंगलगढी चोकमा शान्तिपूर्ण र्याली निकालेको आन्दोलनको नेतृत्व गरेकी दीपा आचार्यले बताइन्।
‘पछिल्लो समय घरबाटै बालिका तथा किशोरी असुरक्षित छिन्,’ उनले भनिन्, ‘जसका विरुद्ध हामी सबै बोल्नुपर्छ ।’ दिनानुदिन बलात्कारका घटना घट्दै गए पनि सरकार भने गम्भीर नभएको उनले आरोप लगाइन्। दोषीहरू खुलेआम हिँडिरहेको भन्दै उनले भनिन्, ‘कुर्ची टिकाउन सरकारले दोषी देखेपनि नदेखेझैं गरिरहेको छ।’
(फाेटाेफिचर)
तस्वीरः सजना सुनारकाे वाल बाट साभार