सिमकोट।गत शुक्रवार राती सिमकोट गाउँपालिकाको वडा नम्बर ७ को थायामा बोलेरो जीप दुर्घटनामा ज्यान गुमाएका चार जनाको अन्तेष्टि आईतवार गरिएको छ।
अस्पतालको शब गृहमा रहेका चार वटै लाशको पोष्र्ट मार्टम भएपछि अस्पतालले लाश आफन्तलाई बुझाएपछि अन्तेष्टि भएको हो।
मृतकका आफन्तलाई खार्पुनाथ यातायात प्रालिलले किरीया खर्च सहयोग गर्ने कुरा मिलेपछि आईतवार बिहान पोष्ट मार्टम भएको अस्पतालकी सिनियर अनमी सरिता बोहराले बताइन्।
पोष्टमार्टम भएपछि चार वटै लाशलाई आफन्तलाई बुझाएको र आफन्तले आफ्नो परम्परा अनुसार अन्तेष्टि गरिएको छ।
कर्णाली करिडोरको सिमकोट हेक्पा खोला खण्डमा पर्ने उक्त कच्ची सडकमा जीप दुर्घटना हुदा चार जनाको घटना स्थलमै मृत्यु भएको छ भने सात जना घाईते हुनु भएको छ।
दुर्घटनाबाट मृत्यु हुने चारै जनामा सिमकोट गाउँपालिका वडा नम्बर २ का पारस बोहरा, सोही गाउँपालिका वडा नम्बर ७ का पर्व सुनार, नाम्खा गाउँपालिका वडा नम्बर १ का गुरु तामाङ्ग र ढुकी तामाङ्ग रहेकी थिईन । घाईते मध्य एक जना नेपालगंज उपचार भइरहेको छ।
