एजेन्सी । एसी मिलानले इटालिय सिरी ए फुटबलमा लगातार दोस्रो जित निकालेको छ । आइतबार राति भएको खेलमा क्रोटोनेलाई २–० ले पराजित गर्दै लिगमा दोस्रो जित निकालेको हो ।
पाहुना टोली मिलानको जितका लागि फ्रांक केसिए र ब्रहिम डाइजले एक एक गोल गरे । मिलानले दुबै हाफमा एक एक गोल गरेको थियो ।
पहिलो हाफमा इन्जुरी समयमा केसिएले गोल गर्दै मिलानलाई अग्रता दिलाए । उनले पेनाल्टीमा गोल गर्दै मिलानलाई पहिलो हाफमा १–० को अग्रता दिलाए । दोस्रो हाफ सुरु भएको पाँच मिनेटमा नै मिलानले अग्रता दोब्बर पार्यो ।
खेलको ५० औं मिनेटमा मिडफिल्डर ब्राहिमले गोल गर्दै मिलानको अग्रता दोब्बर पारेका हुन् । त्यसपछि दुबै टोलीबाट कुनै थप गोल हुन नसक्दा मिलानले खेल २–० गोलले जितेको हो ।
जितसँगै मिलानले सिरी एमा लगातार दोस्रो जित निकालेको छ । सुरुआती दुई खेलमा जित निकालेको मिलानले छ अंक जोडेको छ । क्रोटोलेले दुबै खेलमा हार व्यहोरेको छ ।