एजेन्सी । इंग्लिस प्रिमियर लिग फुटबलमा टोटेनहम विजयी भएको छ । गएराति भएको खेलमा टोटेनहमले वेस्ट ब्रुमलाई १–० गोल अन्तरले पराजित गरेको हो ।
वेस्ट ब्रुमको मैदानमा भएको खेलमा टोटनह्यामका लागि ह्यारी केनले ८८ औं मिनेटमा निर्णायक गोल गरेका हुन् । जितसँगै टोटेनहम लिगको दोस्रो स्थानमा उक्लिएको छ ।
टोटेनहमले ८ खेलमा १७ अंक जोडेको छ । वेस्ट ब्रुम ८ खेलमा ३ अंक जोडेर १८ औं स्थानमा रहेको छ ।
गएराति नै भएको अर्को खेलमा आर्सनल आफ्नै मैदानमा एस्टन भिल्लासँग ३–० ले पराजित भएको छ । एस्टन भिल्लाको जितमा वाटकिन्सले २ गोल गरे भने आर्सनलका बुकायो साकाले एक आत्मघाती गोल गरेका थिए ।
जितसँगै एस्टन भिल्ला ७ खेलमा १५ अंकसहित तालिकाको छैटौ स्थानमा उक्लिएको छ भने ८ खेलमा १२ अंकसहित आर्सनल ११ औं स्थानमा रहेको छ ।
प्रकाशित मिति: सोमबार, २४ कात्तिक २०७७, ०६:२७:००