सुर्खेत । सुर्खेतका नौवटै स्थानीय तहले आगामी आर्थिक वर्ष २०८२/०८३ को लागि आफ्नो बजेट, नीति तथा कार्यक्रम सार्वजनिक गरेका छन् ।
जिल्लाका ५ नगरपालिका र ४ गाउँपालिकाले कुल ९ अर्ब ७२ करोड ८५ लाख रुपैयाँ बराबरको बजेट ल्याएका हुन् ।
सबैभन्दा बढी बजेट प्रदेश राजधानीसमेत रहेको वीरेन्द्रनगर नगरपालिकाले ल्याएको छ भने सबैभन्दा कम बजेट चिंगाड गाउँपालिकाको छ । वीरेन्द्रनगरले ४ अर्ब ३८ करोडको बजेट प्रस्तुत गर्दा चिंगाडले ४० करोड ८६ लाखको बजेट ल्याएको छ ।
स्थानीय सरकार सञ्चालन ऐन अनुसार स्थानीय तहले असार १० गतेभित्र आफ्नो सभामा बजेट पेस गर्नुपर्ने प्रावधान छ ।
कुन स्थानीय तहको बजेट कति ?
वीरेन्द्रनगर नगरपालिका—४ अर्ब ३८ करोड
गुर्भाकोट नगरपालिक—१ अर्ब १ करोड
भेरीगंगा नगरपालिका—८० करोड २५ लाख
लेकवेशी नगरपालिका—६१ करोड ५१ लाख
पञ्चपुरी नगरपालिका—६९ करोड ११ लाख
चौकुने गाउँपालिका—५७ करोड ३० लाख
चिंगाड गाउँपालिका—४० करोड ८६ लाख
सिम्ता गाउँपालिका —६१ करोड ७५ लाख
बराहताल गाउँपालिका—६३ करोड ७ लाख